52. స్నేహం కాదు కదా

మనసు మొక్క మౌనంగా మొగ్గ తొడిగినప్పుడు

ఆ మధురమైన తొలి భావవిక్రియను

నువ్వెవరవు అని నేనడగలేదు ॥

క్రమంగా ఆ మొగ్గ పువ్వై విరిసినప్పుడు

మది గదిలో రేగిన తీయని అనుభూతుల పరిమళం

తానెవరో నాతో చెప్పలేదు

పరిణమించిన పువ్వు పండయినప్పుడు

ఆకృతి దాల్చిన ఆ ముగ్ధమనోహర రూపం

పేరేమిటో నాకు తెలియరాలేదు

కానీ ఆ పండును కోసి నీకు కానుకగా ఇవ్వాలని

అప్రయత్నంగా అనిపించినప్పుడు మాత్రం ఉలికిపడ్డాను నేస్తమా,

నాలో చిగురించినది స్నేహం కాదుకదా అని ॥