16. వేచి చూడు నేస్తమా

ఓటమి కాదిది గెలుపు బాటలో సోపానం

చీకటి కాదిది వెలుగు దారిలో అవస్థానం॥

తూర్పు కొండ వెనకే దాగాడు సూరీడు

రేయి గడిచి పోగానే తప్పక వస్తాడు

చీకటి చెర తొలగించి వెలుగులను తెస్తాడు

          వేచి చూడు నేస్తమా వేకువ కోసం

          రేయికి తోడుంచుకో ఓ చిరుదీపం॥

కాని కాలమే నిలిచి పోదులే కలకాలం

ఆశ జారితే సడలిపోతుంది గుండెబలం

ఆగితే మరిక సాగబోదుగా నీ పయనం

          గమ్యమింక లేదులే ఎంతో దూరం

          కెరటాలకు భయపడితే చేరవు తీరం॥