51. నరకకూపం

కాలసర్పం చూపనన్నది కనికరం

బ్రతుకు మాటే రేపుతున్నది కలవరం

నిబ్బరానికి పరీక్షేనా ప్రతీ నిముషం

తేనెకన్నా తీయనన్నది ఇక విషం ॥

విధికి మనిషొక ఆటబొమ్మగ మారితే

గుండె కరిగి కంటనీరే కారులే

నిస్సహాయత నీడ ధైర్యం జారితే

పయనమంతా భయం గొలిపే దారులే ॥

అలసిపోయిన బాటసారికి శ్వాస శాపం

గాలి తాకిడికారనున్నది ఆశదీపం

వికృతంగా చిత్రమైనది బ్రతుకు రూపం

ఆశ జారిన జీవితం నరకాల కూపం ॥