2. మౌనరాగానివై సాగిపోయేవులే

మౌనరాగానివై సాగిపోయేవులే

మధురగీతానివై ఊగిపోయేవులే

మనసులో తపనవై రగలగా

తనువులో ఊపిరై కదలగా

నిదుర పోయేదెలా నేస్తమా

తాళదీ తాపమే స్నేహమా ॥

చీకటే తోడుగా నాకు ఈ రేయిలో

చంద్రుడే వెన్నెలే చేరువీ వేళలో

జాబిలే పరిహసించిందిలే విరహమై

          కనులలో కాంతివై వెలిగిపోయేవులే ॥

ఆటపట్టించెలే చుక్కలే ఒక్కటై

ఊసులే ఆడెనే గాలులే పాటలై

మేఘమే కబురులందించెలే వానగా

          గుండెలో ప్రాణమై నిండిపోయేవులే ॥

కవితవై జాలువారేవులే కలములో

వలపువై ఊరడించేవులే తలపులో

జ్ఞాపకం సరసమాడేనులే కోరికై

          శ్వాసలో ఆశవై నిలిచిపోయేవులే ॥