26. నాకై వచ్చావు

మనసు పూవులో ప్రేమ తావిని నింపావు

బ్రతుకు తోటలో తీపి ఆమని నింపావు

వేసవిలో చెట్టునీడలా, వేకువనే మొదటి వెలుగులా

చిరునవ్వుల సిరిజాబిలినే నాకై తెచ్చావు ॥

పున్నమి వెన్నెల రాత్రులలో నీకై వేచాను

అమావాస్య నల్లటి రేయిన నీకై చూశాను

చకోరాల చిరువేదనలో, ఒంటరిగా ఈ విరహంలో

చీకటి కమ్మే తరుణంలో నిన్నే తలచాను

సూర్యుని తొలి కిరణకాంతివై నాకై వచ్చావు ॥

నువ్వు నిండిన ఈ ఎద నీకే కానుకనిస్తాను

ఒక్క సైగ చాలు ప్రియతమా పరుగున వస్తాను

నాలోని ప్రాణం నువ్వే, మను కదిపే భావం నువ్వే

నువ్వు లేక రసమే లేని కావ్యాన్నౌతాను

నవరస ప్రియరాగం నీవై నాకై వచ్చావు ॥