28. మేఘసందేశం

చినుకుల పలుకులతో చెప్పింది నీ సందేశం

ఆకాశం ఒడిలో తేలే ఆ శ్రావణ మేఘం ॥

కలవరమయ్యే మదిలో కలలే వరమాయెలే

ఎదగదిలో నీ విరహపు శెగలే ఝరులాయెలే

ఎగిసిపడే నీ తలపుల అలలే సిరులాయెలే

వేదనలో గుచ్చుకునే మళ్ళే విరులాయెలే

నీ ఊహలతో పెంచింది నా గుండియ వేగం ॥

వేకువనే తూరుపు పండే తొలి వెలుగువు నువ్వే

పున్నమి వెన్నెల కురిపించే సిరి నీ చిరునవ్వే

ఒక నీ జ్ఞాపకమే చీకటి బ్రతుకున చిరునవ్వే

సిరిసంపదలేవైనా నీ స్నేహానికి సరి కావే

నాలో నింపింది తీయని తీరని ఆవేగం ॥