22. కోరికలు

చిన్ని చిన్ని చిలిపి కోరికలు తలుపులు తట్టాయి

చిగురు తొడగి చిట్టి ఆశలు మనసును చుట్టాయి ॥

ఆకాశం నా గుప్పిట్లో దాచుకోవాలని

చందమామ నా దోసిట్లో ఒదిగిపోవాలని

కెరటాల నిచ్చెననెక్కి చుక్కల చేరాలని

హరివిల్లు ఊయల కట్టి ఆడుకోవాలని ॥

చిరుగాలిని చిలుకలను చేసి పెంచుకోవాలని

చినుకుల ముత్యాల హారం వేసుకోవాలని

సెలయేటి గలగల పాటకు శైలి కట్టాలని

వెన్నెల మల్లెలుగా కోసం జడలో ముడవాలని ॥