12. తనను చేరిన కవిత

నిదురవేళల స్మృతులు ఏవో పలకరించాయి

తలుపు తట్టిన తలపులేవో కలత రేపాయి ॥

పెదవి దాటని మాటలేవో కలం జారాయి

చిలిపి కోయిల పాటలో పలికి కథలు చేరాయి

మనసు పెంచిన తోటల పూవులు తావులు రేగాయి

వయసు వాటిక బాటల తుమ్మెద పొందు కోరాయి ॥

కనుల దాగిన కలల తీగలు చిగురు తొడిగాయి

విరుల రేకులు విరిసి తీయగ పరమిళించాయి

మమతలేవో ఎదల మాటున పురులు విప్పాయి

కవితలన్నీ కదిలి చాటుగ తనను చేరాయి ॥