23. చిన్ని ఆశలు

చిన్నారి సిరిమల్లీ ఓ వెండి జాబిల్లీ

నా మనసు ఊసులు కొన్ని మీతో చెప్పాలి ॥

చిలకమ్మ  రెక్కల తొడిగి చందమామ చెంతకు చేరి

కుందేలు పిల్లతో కలసి ఆడుకోవాలని

ముణుకుమనే చుక్కలన్నీ ఎంచక్కా కోసేసుకుని

నా పట్టు పరికిణీపై కట్టుకోవాలని ॥

సరదాగా మబ్బులపడవలో ఆకాశం సంద్రం దాచి

లోకాల అంచులదాకా చేరిపోవాలి

బామ్మకథల రాకుమారిలా అందమైన మేడ కట్టుకుని

హాయిగా కలలే కంటూ ఉండిపోవాలి ॥