24. చిరునామా కావాలి

నా కలల వీథిలో తిరగాడేనెవ్వరో

నా మనసు తోటలో కదలాడేనెవ్వరో

అందజేయవా ఆచూకీ ఓ చల్లగాలి

ఉంచుకోను నీ బాకీ ఓ చల్లగాలి ॥

ఎప్పుడూ లేదు గుండెల్లో ఈ రకం అలజడి

సన్నగా నా ఊపిరిలో ఏదో వింత అలికిడి

          ఆ చూపుల జ్ఞాపకాలకే తుళ్ళి పడతాను

          చిరున్వవుల పరిహాసానికి సిగ్గుపడతాను

నా మనసు తలుపు తాళం తెరిచేశారెవ్వరో

నా లోని కన్నియ హృదయం గురి చూశారెవ్వరో

          చెప్పవా తన చిరునామా ఓ వెండి జాబిల్లీ

          నిలవలేదు ఇక ఈ భామా ఓ జాబిల్లీ ॥

కొత్తగా అనిపిస్తోందే ఈ పులకరింత

అతని తలపు కలిగించింది సన్నని గిలిగింత

          నిదుర రాదు రేయంతా ఏదో కలవరంతో

          మనసంతా నిండిపోతోంది కొత్త పరవశంతో

నానుంచి నాకే దూరం పెంచేశారెవ్వరో

తలపుల్లో తీయని మైకం నింపేశారెవ్వరో

          ఎక్కడే అతని అతని విలాసం ఓ సిరిమల్లీ

          చెప్పవే నీ చెలి కోసం ఓ సిరిమల్లీ ॥