5. నీకోసమే

హరివిల్లు విరిసింది నింగి నీకోసమే

చిరుజల్లు కురిసింది మబ్బు నీకోసమే

సూరీడు చీకట్లు కొండెనక దాచేసి

వెలుగులే తెచ్చాడు నీకోసమే ॥

నెలరాజునర్థించి పున్నమి వెన్నెలలు

తెచ్చింది ఈ రేయి నీకోసమే

తుమ్మెదల వంచించి తేనియలు దాచుకుని

తెచ్చింది విరిచేడె నీకోసమే ॥

మేఘాల పిలుపుకై వేచి ఉండక నెమలి

నాట్యాలు  చేసింది నీకోసమే

ఆమనికి సయితం గొంతు విప్పని గండు

కోయిలే పాడింది నీకోసమే ॥